🔴Uburyo 5 bwisubiramo | Abantu Bangizamo Amenyo Batabizi

                                                                         

Uburyo 5 bwisubiramo | Abantu  Bangizamo Amenyo  Batabizi   

                    

Mu gihe tugezemo aho ubuzima busa nkaho bworoshye kubera inganda , abantu benshi bibwira ko barimo kwita ku buzima bw’amenyo yabo, nyamara hari imyitwarire isanzwe ibaho ituma bayangiza buhoro buhoro batabizi. 

Uko igihe kigenda kiba kirekire, izo ngeso ziza gutera ibibazo bikomeye nk’ubusharire, amenyo y’umuhondo, gusaza kw’amenyo no kuyatakaza. 

ngizi zimwe mu ngeso 5 zangiriza amenyo yacu abantu benshi badakunze kumenya.

1. Gukoresha ibikoresho bitagenewe gusukura amenyo

Abantu benshi bagira umuco wo gukoresha udupapuro, utwuma tw’imikindo cyangwa uturandaryi mu gihe bashaka gukuramo ibisigazwa byo mu menyo. Ibi bishobora kwangiza ishinya no gutera ibisebe hagati y’amenyo, ndetse bikaba intandaro y’indwara y’ishinya (gingivitis). Ahubwo, ni byiza gukoresha umugozi w’amenyo (dental floss) wabugenewe.

2. Gufundura  ibintu bikomeye n’amenyo

Hari abantu bafungura amacupa, amasashe akomeye, cyangwa imitobe ipfunyitse n’amenyo. Ibi bishobora gutera amenyo gukocoka, kuvunika, cyangwa gukuramo isuku ya enamel ituma amera neza. Amenyo si ibikoresho byo gufungura ibintu, kandi ibyo bikorwa bigira ingaruka mbi zitaribagirana.

3. Kunywa ibinyobwa birimo isukari nyinshi cyangwa acide kenshi

Soda, imitobe y’imbuto (cyane cyane izifite acide nyinshi nka passion cyangwa orange), n’ibinyobwa bisembuye, byose bishobora kwangiza igikonoshwa cy’amenyo (enamel). Iyo enamel ishize, amenyo atangira kuribwa, agasharira, kandi agahindura ibara. Ni byiza kubinywa bike kandi ukajya unywa amazi nyuma yo kubikoresha.

4. Kudakaraba amenyo neza cyangwa kubikora nabi wihuta cyane!

Kwoza amenyo inshuro ebyiri ku munsi ntibihagije niba uko ubikora bidakwiriye. 

Iyo ukoresha uburoso bukarishye cyane cyangwa ugauba  cyane ushobora kwangiza ishinya n’amacunga y’amenyo. 

iByiza ni ugukoresha uburoso bugororotse, ukabwoza mu buryo bw’utuyunguyungu , ukanasimbuza uburoso buri mezi 3

5. Kwirengagiza kwegera muganga w’amenyo buri gihe

Abantu benshi bajya kwa muganga w’amenyo ari uko bamaze kugira uburibwe bukabije. Ariko ni ngombwa kujya kwisuzumisha nibura rimwe mu mezi 6, kugira ngo ibibazo by’amenyo bibashe gutahurwa hakiri kare, bityo birindwe kugera aho biba bikomeye kandi bihenze kuvura.

INAMA!

Nubwo waba witaho amenyo yawe, izi ngeso zisanzwe zishobora kuyangiza bucece. Ni ngombwa kugenzura uko witwara mu buzima bwa buri munsi, ukamenya gutandukanya ibyo amenyo atagenewe n’ibyo akwiriye gukorerwa. Isuku y’amenyo si ukwiyuhagira gusa, ni igice cy’ingenzi cy’ubuzima rusange