Ese ujya wibaza uko ikibazo cy’imodoka zikerereza abagenzi zitegereje kuzura muri Kigali cyakemuka? Hari icyo ubushakashatsi bwagaragaje nk’igisubiza cyiza kuri iki kibazo.

 

                    

Ese ujya wibaza uko ikibazo cy’imodoka zikerereza abagenzi zitegereje kuzura muri Kigali cyakemuka? Hari icyo ubushakashatsi bwagaragaje nk’igisubiza cyiza kuri iki kibazo.

Ese ujya wibaza uko ikibazo cy’imodoka zikerereza abagenzi zitegereje kuzura muri Kigali cyakemuka? Hari icyo ubushakashatsi bwagaragaje nk’igisubiza cyiza kuri iki kibazo.

Kimwe mu bisubizo ubushakashatsi batandukanye bwagaragaje cyatanze umusaruro mu bihugu byinshi byahuye n’ikibazo nk’iki Kigali irimo kunyuramo muri iyi minsi, ni ugukura ubwikorezi mu maboko y’abikorera bakora bagamije kunguka bigakorwa na Leta kuko leta iba iharanira inyungu rusange z’abaturage.

IMPAMVU Ubwikorezi ni service y’inyungu rusange kimwe nk’amazi n’amashanyarazi niyo mpamvu ikwiye gukorwa na Leta cyane cyane mu bihugu bifite abaturage bafite amikoro atari menshi, mbega batabasha kwishyura igiciro cy’urugendo gihanitse mu rwego rwo kugaruza ibiba byatanzwe mu gutanga service y’ubwikorezi ( operation cost) .

 Muri bisinesi iyo ari yo yose ,umushoramari ashora imari agamije kunguka. Ariko iyo bigeze ku bikorwa bifitiye inyungu rusange nko gukwirakwiza amazi, amashanyarazi ndetse n’ubwikorezi rusange, gushaka inyungu bishobora kutajyana neza n’ibikenewe n’umujyi n’abaturage bawo.

Ubwikorezi rusange, butandukanye n’ibindi bikorwa by’ubucuruzi kuko bugamije gufasha abaturage kugira imibereho myiza no guteza imbere ubukungu bw’umujyi, bityo bukwiye kuba bunoze kandi bwizewe.

Byongeye kandi, ubwikorezi rusange butanga inyungu rusange nko kugabanya imyuka ihumanya ikirere, kuganya umubyigano w’imodoka (traffic congestion) ndetse no gufasha mu iterambere ry’imikoreshereze y’ubutaka(land use development), ibintu bitaba mu nyungu z’abikorera.

INYUNGU ZIRI MU KWEGURIRA UBWIKOREZI RUSANGE LETA

 1. Umujyi umwe, Sisitemu imwe, Ingengabihe imwe( Integrated transport): 

 Iyo ubwikorezi bushyizwe mu maboko ya Leta bituma hahuzwa imihanda yose ikoreshwa n’imodoka zitwara abagenzi rusange mu mujyi wose igacungwa n’ikigo kimwe cya leta bityo bigafasha mu kugabanya ikiguzi cyatangwaga mu gukorwa ubwikorezi haba ku kigo gikora ubwikorezi rusange cyangwa se abagenzi ndetse bikorohera n’abagenzi bakenera guhinduranya imodoka(Transfer). Urugero: Umugenzi aba ashobora gufata bisi, akayivamo agafata indi ntasabwe kongera kwishyura.

Yishyura rimwe gusa urugendo rwose, akenshi hashingiwe ku ntera cyangwa zone anyuramo, aho kwishyura buri kinyabiziga.

2. Gushyira imbere gutanga service kurusha guharanira inyungu：

ikigo cya leta gishyira imbere guha serivisi abaturage kurusha guharanira inyungu bigatuma no mu masaha abagenzi aba atari benshi mu muhanda, imodoka zigenda kenshi bigakemura cya kibazo cy’abamara umwanya munini bicaye mu modoka bategereje ko yuzura ngo ibone guhaguruka.

3. Kuzigama amafaranga binyuze mu guhuza ibikorwa(Saving money through economies of scale):

 Guhuza imihanda y’imodoka zitwara abagenzi , imodoka(fleets) n’imikorere mu kigo kimwe cya Leta bigabanya ibyatangwaga mu gukora ubwikorezi kubera gukorera hamwe bityo hakaho kuzigama amafaranga menshi , akaba yashorwa mu guteza imbere ubwikorezi rusange. Urugero : Aho buri sosiyete y’abikorera yatanga amafaranga yo gufata neza no gusana imodoka ukwayo , iyo ubwikorezi buhurijwe mu kigo kimwe cya leta kibasha gisaranganya ayo mafaranga ku modoka nyinshi icyarimwe bikagabanya igiciro cyatangwaga kuri buri modoka na company ukwayo .

 Mu buryo nk’ubu kandi, kugura lisansi, ibikoresho by’imodoka nk’amapine n’ibindi cyangwa kugura n’amabisi mashya mu buryo bukomatanyije bituma haboneka igabanywa ry’ibiciro abakora ku giti cyabo umwe akora ukwe batabona. Ikindi Guhuza ibikorwa by’ubuyobozi n’abakozi mu kigo kimwe cya Leta gikora ubwikorezi rusange nabyo bigabanya gusubiramo imirimo imwe n’imwe(avoid redundant administrative overheads), bikagabanya igiciro cy’imirimo rusange bigafasha kandi  mu kunoza imikoreshereze y’umutungo, bityo bigatuma hazigamwa amafaranga menshi( birakomeza…)