“Kubaha Ijambo ry’Imana Bitera Kurama!

     

Kwubaha Uwiteka bitera kurama

 

Imana yita ku bwoko bwayo

Kuva 3:7

Uwiteka aramubwira ati: “Ni ukuri mbonye kubabara k’ubwoko bwanjye buri muri Egiputa, numvise gutaka batakishwa n’ababakoresha uburetwa, kuko nzi imibabaro yabo.”

Imana ntiyigeze yirengagiza agahinda k’ubwoko bwayo. Yabonye imibabaro y’Abisirayeli bari mu bunyage bwo muri Egiputa, yumva gutaka kwabo maze ibategurira gukizwa. Nubwo Abisirayeli bari baragiye kuba benshi mu gihugu cya Egiputa, hari bake bakomeje kwigisha abana babo amategeko y’Imana. Nyamara benshi bari barahinduwe n’imigenzo yo gusenga ibigirwamana, bituma batakaza ukuri kw’ijambo ry’Imana.

Ariko n’ubwo byari bimeze bityo, Imana yumvise gusenga no gutaka kw’abayubaha. Yabakuye mu gihugu cy’uburetwa ibaha umudendezo wo kuyikorera, ikoresheje Mose nk’igikoresho cyayo gikomeye. Mu nzira y’Inyanja Itukura, Imana yagaragaje ko ububasha bwayo buruta ubw’abami bose n’imbaraga z’abanyamisiri.

Uwiteka Imana  ari hagati y’isi

Kuva 8:22
"Kuri uwo munsi nzarobanura igihugu cy’i Gosheni aho ubwoko bwanjye butuye, amarumbo y’ibibugu ye kubayo kugira ngo umenye ko ndi Uwiteka, uri hagati y’isi."

Nubwo Misiri yatewe n’ibyago bikomeye by’ibibugu byononnye igihugu cyose, Imana yarokoye abaturage b’i Gosheni aho Abisirayeli bari batuye. Ibi byari ikimenyetso cy’uko Uwiteka ari Imana iri hagati y’isi, kandi ishobora kurinda abayo nubwo ibigeragezo byibasira abandi.

Farawo yari amaze kubona ububasha bw’Imana, yemera ko Abisirayeli bashobora gutambira Imana ariko akabasaba kubikorera mu Misiri. Mose aramusubiza ko bidashoboka kuko ibyo batambiraga byari byaziririjwe n’Abanyamisiri. Ibi byerekanye ko gukorera Imana bisaba kumvira no gukurikiza amabwiriza yayo atari ay’abantu.

Kubaha ijambo ry’Uwiteka bitera kurama

Kuva 9:20
"Uwubashye ijambo ry’Uwiteka wo mu bagaragu ba Farawo, ahungishiriza abagaragu be n’amatungo ye mu mazu no mu biraro."

Ubwo Farawo yaburiwe ko hagiye kuza icyago cy’urubura, abantu bose bahawe amahirwe yo kwiyubakira uburinzi. Abubashye ijambo ry’Imana bakuyemo amatungo yabo n’abantu babo, naho abasuzuguye iryo jambo barabyirengagiza maze bararimbuka.

Urubura nk’urwo ntirwari rwarigeze kuboneka mu Misiri. Ariko Imana yagaragaje imbabazi zayo kuko yahaye buri wese igihe cyo gufata icyemezo. Abumviye barokotse, naho abirengagije bahura n’ingaruka z’ubwigomeke.

Ibi bitwigisha ko kubaha ijambo ry’Imana bidutera kurama kandi bikadukiza ibyago byinshi. Imana ikomeje kwerekana ko ububasha bwayo buruta ubw’abantu, kandi ko abumva ijambo ryayo ari bo barokoka.

ishimire ubuzima  iteka ryose kuko twacunguwe binyuze mu rupfu rwa yesu kiristo|amen