Nzabana Nawe |" Imana Isezeranya Kuba Kumwe n’Abayo."

 

Nzabana Nawe | Imana Isezeranya Kuba Kumwe n’Abayo

 

 Nzabana Nawe | Imana Isezeranya Kuba Kumwe n’Abayo

 

“Ni ukuri nzabana nawe, ibizakubera ikimenyetso yuko ari njye ugutumye, ni uko uzakura ubwo bwoko muri Egiputa(Egypt) , mugakorerera Imana kuri uyu musozi .” (Kuva 3:12)

1. Imana Isezeranya Kuba hafi  n’Abizera

Ubwo Mose yatumwaga ngo akure Abisirayeli mu Misiri, yagize ubwoba ko abantu bazamwita umubeshyi. Ariko Uwiteka yamusezeranyije ati: “Ubwanjye nzajyana nawe nkuruhure.” (Kuva 33:14).

 Isomo ryacu: Iyo twumva ko intege zacu zidahagije, Imana itwibutsa ko ububasha bwayo butuzura mu bwenge n’ubutwari buke bwacu.

2. Urukundo Nk’Ikimenyetso cy’Ubuhamya

Yesu yavuze ati:  “Ngiri itegeko ryanjye: Mukundane nk’uko nabakunze.” (Yoh. 15:12).
Urukundo tugirira abandi ni uburyo bwo kugaragaza ko Imana iri muri twe. Iyo dukundanye nk’uko Kristo yadukunze, haba mu mirimo yacu cyangwa mu mvugo, tugera ku nshingano yaduhaye kandi tugahinduka indorerwamo y’ijuru hano ku isi.

 Isomo : Ubufasha dutanga, urukundo dukwirakwiza, n’ubugwaneza turangwa nabyo ni ubuhamya bukomeye kurusha amagambo.

 Imana Ifite Ububasha Kurusha Izindi Mana

 “Umuntu wese muri bo ajugunya inkoni ye hasi ziba inzoka, maze inkoni ya Aroni imira izabo.” (Kuva 7:12)

1. Farawo n’Abarozi be

Farawo yasabye igitangaza kugira ngo yizere ko Mose na Aroni bari abatumwa n’Imana. Aroni ajugunye inkoni ye hasi, ihinduka inzoka. Abarozi b’umwami na bo bakoze nk’ibyo, ariko inkoni ya Aroni imira izabo.

 Isomo : Imbaraga z’abantu cyangwa izo mu isi ntizigera zigereranywa n’iza Uwiteka. Iyo Imana ivuze, ijambo ryayo rirakora n’iyo abantu bose babihinyura.

2. Umutima W’inangira

Nubwo Farawo yabonye igitangaza, yakomeje kwinangira, abita Mose na Aroni ababeshyi. Ariko Imana yamurinze kugira nabi abagaragu bayo.

 Isomo : Kwihambira ku kwinangira no kwanga ukuri bituma umutima urushaho gukomera. Ariko abakomeza kwizera Uwiteka barindwa n’ububasha bwe.

 incamake:

Imana isezeranya kuba kumwe n’abayo mu rugendo rwose. Ubutumwa bwayo si amagambo gusa, ahubwo bwerekanwa mu bikorwa n’imibereho. Mose yizeye ijambo ry’Imana maze ahabwa ubutwari bwo kuyobora. Na none inkoni ya Aroni yahishuye ko nta mana cyangwa ububasha bwo ku isi bushobora kunesha Uwiteka.

 ihumure ku bizera: Imana iri kumwe natwe kandi ububasha bwayo buruta byose. Nta mpamvu yo kugira ubwoba cyangwa gushidikanya, ahubwo tugomba gukomeza kwizera no gukunda nk’uko Kristo yadukunze.